Tangaza Nasi

Monday, 21 July 2014

CHADEMA NGANGARI, YASISITIZA KUTOSHIRIKI BUNGE LA KATIBA

Mbowe
Mwenyekiti wa Chadema, Freeman Mbowe amesema wajumbe wa Bunge la Katiba kutoka katika chama chake hawatashiriki katika Bunge hilo linalotarajiwa kuendelea mwezi ujao.

Aidha, amesema Chadema haitashiriki katika kikao cha Julai 24 kilichoitishwa na Mwenyekiti wa Bunge Maalumu la Katiba, Samwel Sitta akisema hicho ni sehemu ya Bunge hilo ambalo wajumbe wake na wenzao wanaounda Umoja wa Katiba ya Watanzania (Ukawa) walilisusia.

Akisoma tamko la Kikao cha Kamati Kuu ya Chadema kwa waandishi wa habari Dar es Salaam jana, Mbowe alisema iwapo Bunge hilo litapitisha Rasimu ya Katiba Mpya isiyotokana na maoni ya wananchi, chama hicho kikiwa sehemu ya Ukawa, kitafanya kampeni nchi nzima kuwashawishi wananchi kuikataa wakati wa upigaji wa kura ya maoni.

Alisema kuliko kupata Katiba Mpya ambayo ni mbovu ni bora mchakato wa kuipata uchelewe ili Ukawa waendelee kupigania Katiba bora itakayopatikana kutokana na maoni ya wananchi na siyo maoni ya CCM.

Wakati Mbowe akieleza hayo, CCM Zanzibar kimeibuka na kutaka Ukawa kuacha visingizio na badala yake waungane na wabunge wengine kujadili na kupitisha Rasimu ya Katiba bila ya kutoa masharti.

Katibu Mwenezi wa CCM Zanzibar, Waride Bakari Jabu alisema hayo alipokuwa akizungumza na wajumbe wa nyumba kumi, mashina, matawi, wadi na jimbo huko Mahonda Mkoa wa Kaskazini Unguja.

Alisema siyo busara kwa wabunge wa Ukawa kutoa visingizio visivyo na mashiko na kutozingatia masilahi ya umma na tija ya kupatikana kwa Katiba Mpya ijayo mwaka 2015.

Mambo manne
Mbowe alitaja mambo manne kabla ya Ukawa kurejea bungeni akisema ni kuendeleza mazungumzo na Rais Kikwete kwani ndiye msimamizi mkuu wa mchakato wa Katiba.

“Kamati Kuu imebariki kuendelea kwa mazungumzo kati ya Rais Kikwete na Ukawa, pia upande wa Serikali kuhusu namna ya kunasua mchakato huu ndani ya Bunge Maalumu. Kikao cha Sitta ni sehemu ya Bunge la Katiba, sisi kama Chadema na Ukawa pia hatutashiriki kikao hicho kwa sababu tunaamini kitakachojadiliwa hakitapishana na yaliyotokea bungeni.”

Julai 8 mwaka huu, Sitta aliitisha kikao cha wajumbe 27 wa kamati ya mashauriano wakiwamo maaskofu wawili ili kuondoa mpasuko kati ya Ukawa na wajumbe wengine.

Alisema licha ya kuwapo mazungumzo ya kuwataka Ukawa kurejea bungeni, CCM kimekuwa kikitumia mwanya huo ili wakirejea kiendeleze mkakati wake wa kubadili kila jambo katika rasimu hiyo.

“Kesho (leo) tutakutana na CCM ila siwezi kukwambia ni wapi. Tunaamini mazungumzo na Rais Kikwete ndiyo yanaweza kunusuru mchakato huu,” alisema Mbowe.

Alisema jambo la pili, wajumbe wa Ukawa kutoka Chadema watarejea kwenye vikao vya Bunge hilo endapo mamlaka ya Bunge la Katiba itafafanuliwa kuwa ni kuboresha na si kuibomoa au kuifuta misingi mikuu ya rasimu hiyo.

“Tatu, wajumbe wa Ukawa kutoka Chadema watarudi bungeni iwapo ufafanuzi uliotajwa katika sura ya pili, utahusisha marekebisho ya Kifungu cha 25 cha Sheria ya Mabadiliko ya Katiba” alisema Mbowe.

Akitaja sababu ya nne, Mbowe alisema wajumbe kutoka chama hicho hawatarejea bungeni hadi ufafanuzi wa mamlaka ya Bunge hilo uliotajwa katika sura ya 2 na 3 utakapofanyika.

“Endapo kwa sababu yoyote ile Bunge Maalumu litavunjwa kabla ya kupitishwa Rasimu ya Katiba. Chadema kama sehemu ya Ukawa itafanya mapambano ya kupata Katiba Mpya ya kidemokrasia kuwa sehemu kuu ya kampeni kuelekea Uchaguzi Mkuu 2015,” alisema Mbowe.

Waliojiengua Chadema
Akizungumzia viongozi wa chama hicho waliojiuzulu nyadhifa zao mkoani Kigoma na Tabora, Mbowe alisema hao ni mamluki na wameshindwa kukifanya chama hicho kipate wabunge wengi katika mikoa hiyo... “Kama ambavyo mawakala wa CCM wa miaka ya nyuma hawakuathiri kukua kwa Chadema, wasaliti na mawakala wa CCM wa sasa na wasaliti na mawakala watarajiwa hawataweza kuathiri kukua na kujiimarisha kwa chama chetu.”

Viongozi wote wa Chadema Mkoa wa Kigoma walijivua uanachama wa chama hicho juzi. Hao ni Mwenyekiti, Jafari Ramadhani Kasisiko, katibu wake; Msafiri Hussein Wamalwa Malunga na Katibu wa Baraza la Wanawake, Masoud Simba. Pia Katibu wa Chadema Mkoa wa Tabora, Athumani Balozi na Mwenyekiti wa Baraza la Vijana la chama hicho wa mkoa, Hussein Kundecha nao walijiuzulu.
Chanzo; mwananchi

WENYE DIGRII MBIONI KUFUNDISHA SHULE ZA MSINGI


RAIS Jakaya Kikwete amesisitiza nia ya Serikali kutumia wahitimu wake wa vyuo vikuu, kufundisha shule za msingi huku akiwaweka sawa kwa kuwaambia kufanya hivyo si kuwashushia hadhi.

Hatua hiyo ya walimu wenye Shahada kuanza kufundisha shule za msingi tofauti na ilivyozoeleka, chini ya Sera ya Elimu na Mafunzo ya mwaka 1995, ni sehemu ya mageuzi makubwa, yanayotarajiwa kufanyika katika sekta ya elimu nchini.

Rais Kikwete alishawahi kutamka mpango huo wa kutumia wasomi wa vyuo vikuu katika shule za msingi, kutokana na idadi kubwa ya wahitimu wa ualimu, kutarajiwa kuwa kwenye soko la ajira.

Alisisitiza kuwa baada ya mwaka, wahitimu wa vyuo vikuu watafundisha katika shule hizo na kwamba kufanya hivyo si kuwashushia hadhi.

Akihutubia wananchi mjini Mbinga, kabla ya kufungua kituo cha mabasi na barabara ya Peramiho- Mbinga yenye urefu wa kilometa 78, Kikwete alisema barani Ulaya, hata walimu wa shule za chekechekea wana Shahada na kwamba hicho ni kipimo cha maendeleo.

Kwa utaratibu uliozoeleka chini ya Sera ya Elimu na Mafunzo ya mwaka 1995, walimu wa shule za msingi ni wenye cheti. Hata hivyo, kulingana na taarifa za Wizara ya Elimu na Mafunzo ya Ufundi, wapo wanaochukua Shahada, wanaosomea kufundisha elimu ya msingi.

“Wakati umebadilika…leo utamchukua Standard Seven ( Darasa za Saba) kwenda chuo cha ualimu? Leo Division Four (waliopata Daraja la Nne) wanakataliwa vyuo vya ualimu,” alisema.

Alisema, hali ya sasa ni tofauti na miaka ya nyuma kwa kuwa sasa, hata makatibu tarafa wana Shahada. Kwa mujibu wa tamko la Serikali, kuanzia sasa wanaosomea ualimu ngazi ya Cheti na Stashahada, sharti wawe na ufaulu wa daraja la tatu.

Aidha, Serikali imeamua kuanzia sasa wanaojiunga na mafunzo ya Stashahada ya Ualimu katika masomo ya Sayansi wakiwa na ufaulu wa Daraja la Kwanza, watasomeshwa bure. Pia wenye ufaulu wa Daraja la Pili na la Tatu, watapewa mkopo.

Shule za Kata Akizungumzia shule za sekondari za kata, Rais Kikwete alipongeza maendeleo ya taaluma, kutokana na baadhi shule hizo kuwa miongoni mwa wanaofanya vizuri katika mitihani ya taifa.

Kwa mujibu wa Rais Kikwete, wakati shule hizo zinaanzishwa, hali ilikuwa ngumu tofauti na sasa ambako yapo mabadliko. Alitoa takwimu kwamba kati ya wahitimu 71,000 waliochaguliwa kuendelea na Kidato cha Tano, 20,000 wameachwa.

Katika mkutano huo uliohudhuriwa na wanafunzi wengi wa shule za msingi na sekondari, Rais Kikwete aliagiza ifikapo mwaka 2016, kila mwanafunzi awe na kitabu chake.

Alisema, serikali imeanza kutenga fedha kwa ajili hiyo, zikiwemo Sh bilioni 21 zilizotengwa katika bajeti ya mwaka huu wa fedha 2014/2015. Rais aliagiza fedha kwa ajili ya vitabu zitengwe na azione kwa kuwa anataka taifa lipate wataalamu wengi.

Katika mkutano huo, Naibu Waziri wa Elimu na Mafunzo ya Ufundi, Jenista Mhagama alisema katika shule za msingi hivi sasa, wanafunzi watatu wanatumia kitabu kimoja.

Kwa mujibu wa Mhagama, kupitia Mpango wa Matokeo Makubwa Sasa (BRN), Wilaya ya Mbinga ilikuwa ya kwanza kitaifa kwa maendeleo ya elimu.



Aliwapongeza walimu kwa kazi nzuri, wanayofanya wilayani humo. Alibainisha kuwa walimu 112 waliopangiwa kufundisha katika shule za msingi walikwenda, na wengine 138 waliotakiwa kwenda kufundisha shule za sekondari, wanaendelea na kazi.
chanzo;habarileo

KURASA ZA MBELE NA NYUMA ZA MAGAZETI YA LEO JULAI 21, 2014

.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.

Sunday, 20 July 2014

MBUNGE WA MUFINDI KUSINI ATAKA WANANCHI WAMPIME UCHAGUZI WA 2015 KWA UTEKELEZAJI WA AHADI ALIZOAHIDI 2010

Mbunge wa Mufindi Kusini Mendrad Kigola
MBUNGE wa Jimbo la Mufindi Kusini Mendrad Kigola amesema ametekeleza mengi yanayompa tiketi ya kuwania kwa mara nyingine ubunge wa jimbo hilo katika Uchaguzi Mkuu wa 2015.

“Naweza kusema nimtekeleza ahadi zangu kwa asilimia 80; maeneo makubwa ambayo nimeyafanyia kazi kama nilivyoahidi wakati wa kampeni za Uchaguzi Mkuu wa 2010 ni afya, elimu, maji na miundombinu,” alisema.

Aliyasema hayo alipokuwa akipuuza taarifa zilizozagaa katika baadhi ya maeneo ya jimbo hilo kwamba hawanii tena nafasi hiyo katika Uchaguzi Mkuu wa 2015.

Aliwaomba wananchi wa jimbo hilo kumpima wakati wa mchakato wa uchaguzi huo kwa kuzingatia utekelezaji wa ahadi alizoahidi mwaka 2010.


KAPTENI WA CHELSEA JOHN TERRY NA MICHUMA YAKE MIPYA, INA THAMANI YA SH MILIONI 600


John Terry car 1
John Terry akiingia katika mchuma wake mpya. Ni aina ya Rolls-Royce

John Terry car 4

John Terry car 5

HUU SIO MLIMA AU MAWE ULIYOZOEA KUYAONA, HUU NI MLIMA WA CHUMA, MAARUFU KAMA CHUMA CHA LIGANGA ULIOPO LUDEWA MKOANI NJOMBE

Chuma cha Liganga

GAZETI LA MAWIO LASHITAKIWA MAHAKAMANI, LADAIWA FIDIA YA SH BILIONI 2


MKURUGENZI Mtendaji wa kampuni ya AP Media and Consultant Limited, Peter Keasi, amefungua shauri la madai dhidi ya Mhariri wa gazeti la kila wiki la Mawio na mwandishi wa gazeti hilo Jabir Idrissa, akidai malipo ya Sh Bilioni 2 kama fidia kwa kumkashifu yeye pamoja na kampuni yake.

Kupitia kwa wakili,  Alloyce Komba wa kampuni ya uwakili ya Haki Kwanza, Keasi amefungua shauri hilo katika Mahakama Kuu jijini Dar es Salaam wiki iliyopita.

Anadai kukashifiwa kutokana na habari iliyochapishwa na gazeti hilo namba 0098 la kati ya juni 5-11, mwaka huu.

Taarifa hiyo ilikuwa na kichwa cha habari kinachoeleza kuwa, “CCM kutumia billion 3.4 kujitangaza,” ambayo iliandikwa na Idrissa, ikionyesha kuwa kazi hiyo ya kujitangaza kwa CCM amepewa Keasi kupitia kampuni yake ya AP Media and
Consultant Limited.

Katika kesi hiyo, Keasi amenukuu kipande kimoja cha habari kilichochapishwa na gazeti hilo kikionyesha kuwa “nimeshangaa kuona chama changu kikitumia zaidi ya bilioni tatu kujitangaza.. Hawa watu hawana huruma kabisa na wananchi
maskini. Wanachojua wao ni kula hadi kuvimbiwa.”

Keasi anadai kuwa maneno kama hayo yalimaanisha kuwa yeye ni mwizi wa fedha za chama kilichoko madarakani na hajali maslahi ya watu wengine.

“Kwa maneno haya, walalamikiwa wamemkashifu na kumshushia hadhi mlalamikaji mbele ya jamii, ofisi yake na katika biashara zake,” sehemu ya hati ya madai inaeleza.

Inadaiwa kuwa walalamikiwa walichapisha taarifa hiyo bila kuzingatia miiko na weledi wa kazi yao ya kutoa taarifa zilizo za kweli, sahihi na zinazozingatia usawa wa pande mbili za wahusika kwa vile hapakuwa na ukweli wowote kuwa mlalamikaji amepewa kazi hiyo na CCM.

“Walalamikiwa bila kuwa na uhalali na ukweli wowote walichapisha taarifa zinazoonyeha kuwa mlalamikaji ni mwandishi mwandamizi wa magazeti ya Daily News na Habari Leo yanayochapishwa na kampuni ya Tanzania Standard Newspapers,” hati ya madai inaeleza.
 Keasi ameeleza kuwa ukweli ni kwamba aliajiliwa na kampuni hiyo mnamo Aprili 1, 1998 hadi Octoba 27, 2012, ambapo alijihuzuru mwenyewe na kujiuzuru kwake kulikubaliwa na uongozi wa kampuni ya TSN.

 Katika taarifa hiyo, walalamikiwa walieleza pia kuwa mlalamikaji atajipatia millioni 500 kutoka CCM kwa kazi hiyo ya kijitangaza.



Hapo awali, mlalamikaji aliwaandikia walalamikiwa akitaka wamwombe radhi na kusahihisha taarifa hiyo kwenye toleo la gazeti litakalofuata na taarifa hiyo ichapishwa ukurasa wa kwanza na wa pili na yenye uzito sawasawa na ile iliyochapishwa awali, lakini wamekataa kutekeleza matakwa yake.
chanzo;mpekuzihuru.com

WATOTO WA MICHAEL JACKSON WANAPATA BILIONI 13 KILA MWAKA KWA AJILI YA MATUMIZI YAO

Michael Jackson's children (L-R) Blanket, Prince and Paris - pictured here in 2012 - live in California with their grandmother, Katherine Jackson
Watoto wa Michael Jackson
Watoto watatu wa aliyekuwa mfalme wa Pop Duniani, Michael Jackson wanalamba posho ya Dola Milioni 8 kila mwaka ambazo ni sawa na zaidi ya Sh Bilioni 12.8 za kitanzania.

Fedha hizo zilizopanda kutoka Dola Milioni 5  ambazo ni sawa na zaidi ya Sh Bilioni 8 ni kwa ajili ya gharama mbalimbali za shule wanazosoma, likizo, matembezi yao  ya kawaida na matumizi mengineyo.

Wanapata kiasi hicho cha fedha huku kukiwepo na taarifa za mapato na mrahaba unaotokana na kazi zilizoachwa na marehemu baba yao miaka mitano tangu afariki kuongezeka.

Ripoti mpya zinasema watoto-Prince Michael Jr (Prince), 17, Paris, 16, na Prince Michael Jr II (Blanket), 12 – wanafurahia urithi ulioachwa na baba yao.


CHIFU MKWAWA AKUMBUKWA, NI BAADA YA MIAKA 116 YA KIFO CHAKE, MVUA YANYESHA SEHEMU YA NGOME YAKE

Chifu wa Wahehe, Abdul Sapi akionesha jino la Mtwa Mkwawa
Hapa ilikuwa wakati wa uzinduzi wa kitabu cha historia ya Mtwa Mkwawa
Hapa ni katika kilima kilichotumika kumsimika mgeni rasmi na kumtambua kama mmoja wa viongozi wa kabila hilo
MKOA wa Iringa umeadhimisha Siku ya Kumbukumbu ya Chifu wa Wahehe, Mtwa Mkwawa kwa mara ya kwanza juzi (Julai 19, mwaka huu), tangu jemedari huyo wa vita za kupingana na wakoloni afariki dunia kwa kujiua mwenyewe miaka 116 iliyopita.

Mkwawa au kwa jina refu Mkwavinyika Munyigumba Mwamuyinga alizaliwa mwaka 1855 na kufariki Julai 19, 1898.

Sherehe hizo za kumbukumbu ya kifo chake zilifanyika katika kijiji cha Kalenga ilikokuwa ngome yake kuu na ambako ndiko yaliko makumbusho yake kwa michango ya wadau mbalimbali kikiwemo Chuo Kikuu cha Iringa kupitia mradi wake wa Kuendeleza Utamaduni Nyanda za Juu Kusini.

Mvua kubwa ilinyesha sehemu ya kijiji hicho cha Kalenga mbali kidogo na zilipofanyika sherehe hizo huku rasharasha yake kupiga katika maeneo kadhaa ya manispaa ya Iringa jambo lililoelezwa na baadhi ya wazee wa kimila kwamba; “imenyesha kwasababu Mtwa huyo na wazee wa mila wanaoendelea kuenzi mila zake wamefurahishwa na tukio hilo.”

Wakati wa maadhimisho hayo, Kitukuu wa Mtwa Mkwawa ambaye ni Chifu wa sasa wa wahehe, Abdul Mkwawa alitoa taarifa nyingine ya kufurahisha kwamba  serikali ya Ujerumani imrejesha jino la Mtwa Mkwawa lililochukuliwa kwenye kinywa cha mtwa huyo mara wajerumani hao walipobaini amejiua wakati wa mapambano kati yao.

Chifu Abdul Mkwawa alisema jino hilo limerejeshwa rasmi wiki iliyopita na mmoja wa watukuu wa askari wa kijerumani aliyeoongoza mapambano dhidi ya askari wa Mtwa Mkwawa. 

Amesema wakoloni waling’oa jino hilo kwa hasira ya kushindwa kumkamata akiwa hai na kuondoka nalo kisha kuliweka kwenye makumbusho ujerumani kama ilivyokuwa kwa Fuvu la Mkwawa.

Katika sherehe hizo Waziri Mkuu Mizengo Pinda ametoa wito kwa wananchi kutumia utamduni wao kukuza sekta nyingine za kiuchumi kwa kuwa utamaduni ni sekta mtambuka.

Katika hotuba yake iliyosomwa na Waziri wa Nchi Ofisi ya Makamu wa Rais Mazingira, Dk Binilith Mahenge, Pinda alisema serikali itaboresha makumbusho ya Mkwawa yaliyopo Kalenga na kuyafanya ya kudumu.

Muongoza wageni wa makumbusho hayo, Zuberi Suleimani alisema shughuli za utalii katika makumbusho hayo sio za kuridhisha kutokana na matatizo mbalimbali.

Mbali na kuyaboresha, Suleimani alisema kuna haja serikali ikapitia upya viwango vya tozo vinavyochajiwa kwa wageni wanaokwenda kuona fuvu la Chifu huyo ambalo limehifadhiwa katika makumbusho hayo.

Wakati wageni kutoka nje ya nchi wanatakiwa kulipa Sh20,000 kwa kichwa, wale wa ndani (watanzania) wanatakiwa kulipa Sh 1,000.

Kwa mujibu wa Suleimani, mengine yanayotakiwa kufanywa ili kuboresha makumbusho hayo ni pamoja ujenzi wa kambi za kulala wageni, mgahawa, bar, bwawa la kuogelea  na matangazo vikiwemo vipeperushi na mabango sehemu mbalimbali mjini Iringa.


Maadhimisho hayo yameambatana na maonyesho ya utamaduni wa mikoa ya Kusini, na uzinduzi wa Kitabu cha historia ya Mtwa Mkwawa.

NHC YATOA MSAADA WA MASHINE ZA KUFYATUA TOFALI KWA VIJANA 160 WA MKOA WA IRINGA

Mkuu wa Mkoa wa Iringa Dk Christine Ishengoma akipokea msaada wa mashine za kufyatua tofali zilizotolewa na Shirika la Nyumba la Taifa (NHC) kutoka kwa Kaimu Meneja wa shirika hilo mkoa wa Iringa, Said Omari
Naye akakabidhi mgao wa Kilolo kwa Mkuu wa Wilaya ya Kilolo, Gerald Guninita
Aliyekuwa wa pili kupokea mgao huo ni Mkuu wa Wilaya ya Iringa, Dk Leticia Warioba
Akafuata mwakilishi wa Mkuu wa Wilaya ya Mufindi, Mkurugenzi wa Halmashauri hiyo, Paulo Ntinika
wafanyakazi wa NHC walikuwepo
Na wageni mbalimbali walihudhuria

Hapa wakaelezwa jinsi mashine hiyo inavyofanya kazi
Hizi ndio tofali zinazozalishwa kwa kutumia mashine hizo
SHIRIKA la Nyumba la Taifa (NHC) limetoa msaada wa mashine 16 za kufyatulia tofali zenye thamani ya Sh Milioni 7.2 kwa vikundi vya vijana wa halmashauri nne za mkoa wa Iringa.

NHC imetoa mashine hizo ikiwa ni jitihada zake zinazolenga kuunga mkoano mikakati ya serikali katika kuongeza ajira kwa vijana na kupunguza umasikini nchini.

Mashine hizo zilikabidhiwa juzi kwa Mkuu wa Mkoa wa Iringa, Dk Christine Ishengoma katika hafla iliyohusisha wakuu wa wilaya na wakurugenzi wa halmashauri zote za mkoa wa Iringa.

Akikabidhi mashine hizo Kaimu Meneja Said  Omari alisema kila halmashauri imenufaika na mashine nne zitakazotoa ajira kwa vijana 40.

“Kila kikundi cha vijana kumi, kitapata mashine moja na hivyo kufanya jumla ya vijana 160 kwa halmashauri zote kunufaika na msaada huu,” alisema.

Pamoja na msaada wa mashine hizo, Omari alisema NHC itatoa mafunzo ya siku 21 kwa vijana hao yatakayowawezesha kuzitumia ipasavyo mashine hizo na mbinu za utafutaji wa masoko ya tofali watakazokuwa wakizalisha.

“Msaada na mafunzo hayo unakwenda sambamba na utoaji wa msaada wa Sh 500,000 kwa kila kikundi kama mtaji wa kuanzia utakaowawezesha kununua vifaa muhimu vya kufyatulia tofali,” alisema.

Alivitaka vikundi hivyo kuunda umoja wao wa uzalishaji wa tofali na baadaye kuanzisha chama chao cha akiba na mikopo (Saccos) ili kupanua shughuli zao za kiuchumi.

Ili kusukuma ajenda hiyo muhimu kwa maendeleo ya nchi, Mkuu wa Mkoa wa Iringa, Dk Ishengoma alizitaka halmashauri zote ziwe tayari kusaidia vikundi vyao vya vijana walivyoviunda.

“Nimeelezwa gharama za kushiriki mafunzo hayo zinatakiwa kubebwa na vikundi vyenyewe, ombi langu, halmashauri ziangalie uwezekano wa kuvisaidia vikundi hivyo kwa mahitaji ya chakula na malazi ili vishiriki mafunzo hayo,” alisema.

Kwa kuwa mradi huo unalenga kupunguza tatizo la ajira kwa vijana, Dk Ishengoma alizitaka halmashauri hizo zibainishe maeneo yenye udongo unaofaa ili yatumie na vijana hao kuzalisha tofali hizo.