Tangaza Nasi

Thursday, 2 October 2014

MAHAMUDU MADENGE AMWAGA MAMILIONI KWA VIKUNDI VYA WAJASIRIAMALI IRINGA MJINI

Mahamudu Madenge katika moja ya mikutano yake ya kimaendeleo na wananchi wa Iringa. Hapa akisisitiza umuhimu wa kuunga mkono harakati za kimaendeleo zinazofanywa na watu wengine
Vijana fanyeni kazi
Akawachangia Vijana wa Kinegamgosi A Sh 200,000 ili watunishe mfuko wako wa kuweka na kukoba
MJUMBE wa Halmashauri Kuu ya Chama cha Mapinduzi (CCM), Mahamudu Madenge ametumia zaidi ya Sh Milioni 2 kuvisadia vikundi vya wajasiriamali wa mjini Iringa.

Walionufaika na msaada huo aliotoa hivi karibuni ni pamoja na vyama vya kuweka na kukopa (Saccos) vya Walimu wa shule ya sekondari Mlamke, wafanyabiashara wa soko kuu la mjini Iringa na vikundi vya Academy Alliance na Kinegamgosi A vya Ipogolo.

Wakati kikundi cha vijana wajasiriamali cha Kinagamgosi A kikipata msaada wa Sh 200,000 ili kutunisha mfuko wake, kila cha Academy Alliance kinachojishughulisha na michezo na uigizaji kilipata Sh 400,000.

Akionesha jinsi anavyoguswa na harakati za wajasirimali wa mjini hapa za kuboresha maendeleo yao, Madenge alichangia Sh Milioni moja Saccos ya Soko Kuu na Sh 500,000 alitoa kwa Saccos ya walimu wa Mlamke.

“Katika kusaidia utekelezaji wa Ilani ya CCM, sisi kama viongozi wa chama hiki tuna wajibu wa kuunga mkono kwa vitendo jitihada zinazooneshwa na wananchi wanaotaka kujikwamua na umasikini,” alisema.

Alisema maisha bora hayawezi kuja kwa wanaotaka kubadilika kukaa kwenye vijiwe asubuhi mpaka jioni pasipo kufanya shughuli yoyote ya kuwaingizia kipato.

“Ni lazima watu waoneshe wana uchu wa kubadili maisha yao kwa kufanya kazi, waache kufuata mikumbo ya siasa za chuki, za kudhani kipo chama kinaweza kuwalipa mishahara watu wake bila kufanya kazi, kina weza kutoa ajira kwa vijana wote na kumaliza kwa mara moja matatizo ya nchi nzima,” alisema.

Alisema duniani kote hakuna nchi iliyoweza kumaliza matatizo yake yote kwa kuzungatia kwamba mahitaji ya nchi na watu wake katika mazingira yao yanatofautiana.

Alisema wananchi wanatakiwa kutumia fursa zinazowazunguka na wakiunganisha nguvu wanaweza kupiga hatua kubwa ya maendeleo kama wengine.

“Vijana tusisubiri kuajiriwa na serikali,  hakuna serikali inayoweza kuajiri wasomi wake wote, kwahiyo ni lazima wengine tutumie maarifa tunayopata kujiajiri,” alisema.


Katika kuwaunga mkono, Madenge alisema; “ndio maana tunapoitwa na vikundi vya wajasiriamali, tunaitikia wito na kuchangia juhudi zao.”

NURU HEPAUTWA-HII NDIO ZAWADI YANGU KWENU WANAFUNZI WA ILALA

Pokeeni zawadi hiyo, hivyo ndivyo ambavyo Hepautwa alivyokuwa akisema wakati akitoa msaada wa  vifaa vya michezo kwa wanafunzi wa shule ya msingi Ilala

Akisema neno katika mahafali ya 47 ya shule hiyo
MDAU wa Maendeleo ya Manispaa ya Iringa, Nuru Hepautwa ametoa msaada wa vitu mbalimbali kwa shule ya msingi ya Ilala ya mjini Iringa ambayo juzi ilifanya mahafali ya 47 kuwaaga wanafunzi wake waliomaliza darasa la saba mwaka huu.

Msaada huo unahusisha kompyuta, printa, vifaa vya michezo (seti moja ya jezi na mpira) huku akiahidi kusaidia kukamilisha mpango wa kuingiza maji katika vyoo vya kisasa vya shule hiyo kongwe ya mjini hapa.

Hepautwa ambaye pia ni mdau wa michezo mkoani hapa na mwanzilishi wa kombe la mpira wa miguu la Hepautwa alisema anajisikia fahari kuona kiu ya elimu miongoni mwa vijana wengi inazidi kuongezeka.

Katika mahafali hayo yaliyoshuhudia wanafunzi 101 wanaomaliza darasa la saba wakiagwa, alisema; “elimu ni urithi wa aina yake kwani haufananishwi na kitu kingine chochote.”

Alisema pamoja na kuachiwa majonzi zamani ilikuwa fahari kwa wanafamilia au watu kupata urithi wa mali zinazoachwa na ndugu waliopoteza maisha.

“Lakini uzoefu unaonesha wengi wameshuhudia aina hiyo ya urithi wa mali kama nyumba, mashamba, mifugo, magari na vitu vingine ukipotea na kuwaacha baadhi ya ndugu katika mifarakano mikubwa,” alisema.

Alisema elimu ndio urithi wa kweli na wa pekee kwani kila mtu huwa na ya kwake katika kichwa chake ambayo hawezi kuipoteza au kupokonywa na mtu yoyote.

“Ikiishaingia kichwani, elimu itaendelea kuwa yako katika maisha yako yote na ndio inayoweza kukusaidia kupata mali nyingi tofauti kama itatumika vizuri,” alisema.

Ili kuboresha mazingira ya utoaji elimu shuleni hapo ameguswa na baadhi ya matatizo yake na kuamua kusaidia kuyatatua.

“Nimeambiwa hamna kompyuta na printa kwa ajili ya kuhifadhi na kuchapa kumbukumbu mbalimbali za shule lakini pia mmejenga vyoo ambavyo pamoja na kukamilika kwake havina huduma ya maji,” alisema.

Awali Mkuu wa shule hiyo John Nyoni alisema wanaridhishwa na mwamko walionao vijana katika kujiendeleza kitaaluma pamojaa na kuwepo kwa kero mbalimbali shuleni hapo.

Alipomgeza Hepautwa kwa kuchangia maendeleo ya shule hiyo huku akisema mchango wake utawahamasisha wadau wengine kuyaona na kuyapatia ufumbuzi matatizo yao mbalimbali.


Akizungumzia maendeleo ya taaluma shuleni hapo, Mwenyekiti wa Bodi ya shule hiyo, Othman Haule alisema ni imani yake wanafunzi wote wanaomaliza shuleni hapo watafaulu mtihani huo kama ilivyotokea kwa wanafunzi waliotangulia.

MAGAZETI YA LEO OKTOBA 2, 2014

.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.

ZIARA YA NYALANDU MUFINDI KUSINI YAMGEUKA MBUNGE KIGOLA

Nasifiwe Ponziano Miwoo mbele ya Waziri Nyalandu alipokuwa akihoji uadilifu wa mbunge wa Mufindi Kusini, Mendrad Kigola
Kigola akifurahi kabla kibao hakijageuka
ZIARA ya kikazi ya Waziri wa Maliasili na Utalii, Lazaro Nyalandu aliyoifanya hii leo katika jimbo la Mufindi Kusini kuzungumzia malalamiko ya baadhi ya wananchi kuhusu mgao wa vibali vya kuvuna miti katika misitu ya Taifa, imegeuka shubiri kwa Mbunge wa Jimbo hilo Mendrad Kigola ambaye awali aliiona kama ingemsaidia kisiasa.

Katika mkutano wa hadhara uliofanyika katika kijiji cha Igowole, jimboni humo, Kigola alimkaribisha waziri huyo huku akikosoa mgao wa vibali vya kuvuna miti katika msitu wa Taifa wa saohill ambao sehemu yake upo katika jimbo hilo, ulivyofanywa kwa vikundi vya wajasiriamali wa wilaya ya Mufindi.

Huku akipigiwa makofi ya mara kwa mara yaliyomfanya ashindwe kusimama sehemu moja wakati akiongea, Kigola alisema: “sina pingamizi dhidi ya watu na vijiji vilivyopata mgao wa mwaka huu.”

“Shida yangu ni mgao uliotolewa kwa vikundi vya wilaya ya Mufindi yenye majimbo mawili. Wakati jimbo langu la Mufindi Kusini vimepata vikundi 12 kati ya 48, vingine vyote vilivyobaki vimetoka upande mwingine. Mheshimiwa waziri, nakuomba ulione hilo,” alisema.

Kauli ya Kigola ilitafsiriwa na baadhi ya watu waliokuwepo katika mkutano huo kwamba ilikuwa ikimpiga vijembe mbunge wa jimbo jirani la Mufindi Kaskazini, Mahamudu Mgimwa ambaye pia ni Naibu Waziri wa Maliasili na Utalii.

Taarifa zisizo rasmi kutoka ndani ya Chama cha Mapinduzi (CCM) wilaya ya Mufindi zinadai kwamba Mgimwa na Kigola hawapikiki chungu kimoja ikiwa ni matokeo ya kinachoelezwa na walio jirani na wabunge hao kwamba mmoja wao ana wivu wa kisiasa dhidi ya mwenzake.

Taarifa hizo zisizo rasmi ambazo hata hivyo hazijawahi kutolewa ufafanuzi na Kigola mwenyewe zinadai kwamba amekuwa akimuonea wivu Mgimwa baada ya kuteuliwa na Rais Jakaya Kikwete kuwa Naibu Waziri.

Wivu huo ndio umepelekea kuchochea chokochoko ya kuhoji uwiano wa mgao wa vibali vikiwemo vibali 48 vilivyotolewa kwa vikundi 48 vya wilaya ya Mufindi.

Hoja ya Kigola dhidi ya mgao wa vibali hivyo ilionekana ina mashiko kwa muda wote wa mkutano huo mpaka pale Waziri Nyalandu alipotoa ruksa kwa wananchi wa kijiji hicho cha Igowole kuuliza maswali.


Alikuwa Nasifiwe Ponziano Miwoo aliyechafua hali ya hewamara baada ya kupata nafasi ya kuuliza swali alilotoa kwa mtindo aliodai wa kujenga hoja ili wananchi wamuelewe.

Akinukuu vifungu kadhaa vya Katiba ya Jamuhuri ya Muungano huku akioanisha na uadilifu wa mbunge huyo Miwoo alisema:

“Kuna haja ya kuoanisha hoja za mbunge huyu Kigola na uadilifu wake; na kuna haja ya kujua mali zinazomilikiwa na mbunge huyu ili tuone kama kunasababu kwa familia yake kupata kibali cha kuvuna miti wakati baadhi ya vijiji na vya wilaya ya Mufindi na wajasiriamali wake wakikosa,” alisema.

Alisema katika orodha ya wanufaika na vibali vya mwaka huu, jina namba 388 ni la mtoto wa Kigola anayesoma katika moja ya shule bora zilizoko wilayani Mufindi.
Alisema zipo dalili kwamba Kigola alitumia jina la mwanae huyo kupata kibali hicho jambo linalojenga mashaka dhidi ya uadilifu wake.

“Mheshimiwa Waziri tuna mashaka na huyu mtu na kama kila mwaka anajaza fomu inayoonesha mali anazomilikia. Kwanini jina la mwanae litumike,” Miwoo alisema huku waliokuwa wakimshangilia Kigola wakigeuza kibao na kumshangilia yeye.

Majibu ya Waziri Nyalandu kuhusiana na hoja za Miwoo na taarifa kamili ya ziara yake Mufindi itachapishwa katika mtandao huu mapema iwezekanavyo endelea kutufuatilia……………….


Tuesday, 30 September 2014

MAGAZETI YA LEO JUMANNE 30 SEPT 2014

                               .


                                 .

.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.